Қалдықтарды түзушілер үшін ақпарат

Қалдықтарды түзушілер - жеке тұлғалардың «EcoQolday» ақпараттық жүйеcін пайдалану тәртібі 

«EcoQolday» қатысу үшін қалдықтарды түзушілерге «EcoQolday» мобильді қосымшасында тіркелуі керек.

Ақпараттық жүйенің мобильді қосымшасында тіркелу үшін келесі әрекеттерді орындау қажет:

1) IOS пайдаланушылары үшін AppStore-дан немесе Android пайдаланушылары үшін Google Play-ден EcoQolday ақпараттық жүйесінің мобильді қосымшасын смартфонға жүктеп алу;

2) ұялы телефон нөмірін енгізу. Бір ұялы телефон нөміріне тек бір есептік жазба жасауға болады;

3) ұялы телефон нөміріне жіберілген SMS кодын енгізу;

4) «жеке тұлғаны» таңдау;

5) пайдаланушы рөлін таңдау «қалдық түзуші (қалдық иесі) - жеке тұлға»;

6) ЖСН енгізу;

7) құпия сөзді ойлап табу және енгізу. Құпия сөз кемінде 8 (сегіз) таңбадан, цифрлардан (0-9), латын әліпбиінің кіші және бас әріптерінен (A-Z) тұруы керек;

Қалдықтарды әкетуге өтінім беру үшін төлем алушы мынадай әрекеттерді жүзеге асыруы қажет: 

1) «Менің өтінімдерім» бөліміне өтіп, «Өтінім жасау» батырмасын басу;

2) әкету күнін, қалдықтардың түрін (бір өтінім - қалдықтардың бір түрі), қалдықтардың массасын көрсету, қалдықтардың фотосуретін, әкету мекенжайын, байланыс деректерін жүктеу;

3) егер қалдықтар өтеусіз берілсе, «Өтеусіз» белгісін қойыңыз немесе қалдықтардың килограмына немесе тоннасына баға белгілеу;

4) Түсіндірмелердің 6-қосымшасына сәйкес белгіленген нысан бойынша SMS кодын пайдалана отырып, қалдықтарды беру туралы өтінімге қол қою;

5) төлем алушылар тарапынан пікірлер күту;

6) жауап берген төлем алушылардан таңдау;

Сонымен бірге:

1) жинақталған қалдықтарды қаптама қалдықтарының әрбір түрі (шыны, қағаз және картон, полимер, аралас материалдардан) бойынша бөлек тазартуды және сұрыптауды жүзеге асыру қажет;

2) қалдықтарды жіберуге өтінім беру үшін қаптама қалдықтарының ең аз массасы жеке тұлғалар үшін қаптама қалдықтарының бір түрі бойынша кемінде 10 (он) килограмм болуы тиіс;

3) қаптама қалдықтары таза және құрғақ, құрамында сұйықтық, тамақ қалдықтары, мата, фольга, мультифорлар жоқ, сондай-ақ парафинделмеген, битумдалмаған, майланбаған, гуммирленбеген, металдандырылмаған, химиялық заттармен сіңдірілмеген, зығырланбаған, сынбаған және күйдірілмеген болу керек.