Қоқыс өңдеу зауытының құрылысы қарқынды

Күнделікті тұрмыста пайдаланатын полиэтилен пакет, пластмасс бөтелкелердің табиғатқа төндіріп тұрған зиянын білеміз. Біле тұра шашамыз. Қоқыс контейнерлеріне түскен полиэтилен қалдықтар да полигонда жайрап жатады. Ұйытқыған желмен қала аспанында қалықтап жүретінін де көзіміз шалған. Бұдан былай бұл көріністен біржола арылатын шығармыз. Олай дейтініміз, Өскеменде қоқыс сұрыптайтын зауыттың құрылысы жүріп жатыр. Зауыт іске қосылғаннан кейін тұрмыстық қалдықтардың 30 пайызы қайта өңдеуге жөнелтіліп отырады. 

Қоқыс полигонының кешені Өске­менге таяу жердегі 4,2 гектар аумаққа салынып жатыр. Оның құрылысымен рес­публика бойынша қалдықтарды жи­нау, тасымалдау, қайта өңдеу және кәдеге жаратуды ұйымдастырушы «ӨКМ Оператор» компаниясы өкілдері таныс­тырған-тұғын. Қазіргі уақытта ғима­раттың іргетасы құйылып, коммуни­кация жүргізілді. Алғашқы аппараттар орнатылды. Грекияның SABO компа­ния­сының құрылысшылары металл конструк­циядан жасалған корпусты мон­таждау жұмыстарын жүргізіп жатыр.