Біз сізге келесілер туралы хабарлаймыз:
- 2025 жылғы 7 ақпаннан бастап Мемлекеттік көміртегі кадастры электрондық мекенжай бойынша қолжетімді ndbecology.gov.kz. Парниктік газдар шығарындыларын түгендеу туралы есептердің электрондық нысандары жоғарыда көрсетілген электрондық мекенжай бойынша ұсынылуы тиіс.
- квоталау субъектілері Қазақстан Республикасы Экологиялық кодексінің (бұдан әрі – Кодекс) 294-бабының 2-тармағына сәйкес ағымдағы жылдың 15 сәуіріне дейінгі мерзімде мемлекеттік көміртегі кадастрында өткен жылғы парниктік газдар шығарындыларын түгендеу туралы есептің верификацияланған электрондық нысанын толтыруға міндетті;
- әкімшілік ету субъектілері Кодекстің 301-бабының 2-тармағына сәйкес ағымдағы жылдың 1 сәуіріне дейінгі мерзімде мемлекеттік көміртегі кадастрында өткен жылғы әкімшілік қондырғының парниктік газдар шығарындыларын түгендеу туралы есептің электрондық нысанын толтыруға міндетті.
Сондай-ақ, қондырғының квоталау немесе әкімшілендіру субъектілеріне тиесілігі айқындалатын критерийлер Кодекстің 289-бабының 3-тармағында және 301-бабының 1-тармағында көрсетілгенін хабарлаймыз.
Мемлекеттік көмірсутек кадастры Қазақстан Республикасы Экологиялық кодексінің 303-бабына және Қазақстан Республикасы Экология, Геология және табиғи ресурстар министрінің 2021 жылғы 10 маусымдағы № 190 бұйрығымен бекітілген мемлекеттік көмірсутек кадастрын жүргізу қағидаларына сәйкес жүргізіледі (https://adilet.zan.kz/kaz/docs/V2100023110).
Мемлекеттік көміртегі кадастры парниктік газдар шығарындыларының көздерін, олар өндірген шығарындылардың мөлшерін, сондай-ақ қондырғы операторы үшін белгіленген шекаралар шегінде парниктік газдар шығарындыларын азайту немесе сіңірулерін ұлғайту мөлшерін есепке алу жүйесі болып табылады.
Мемлекеттік көміртегі кадастрын жүргізу ақпараттық жүйені пайдалану арқылы жүзеге асырылады. Қондырғы операторлары мемлекеттік көміртегі кадастрында тіркеледі және жыл сайынғы негізде парниктік газдарды түгендеу туралы есептің электрондық нысанын толтырады.
Парниктік газдар шығарындылары мен сіңірулерін есептеу жөніндегі әдістемелер Қазақстан Республикасы Экологиялық кодексінің 294 бабының 3 тармағына және Қазақстан Республикасы Экология және табиғи ресурстар министрінің 2023 жылғы 17 қаңтардағы № 9 бұйрығына сәйкес бекітілген (https://adilet.zan.kz/kaz/docs/V2300031735).
Парниктік газдар шығарындыларын есептеу кезінде жаһандық жылыну әлеуеті (GWP - Global warming potential) климаттың өзгеруі жөніндегі үкіметаралық топтың (IPCC – Intergovernmental Panel on Climate Change) бесінші бағалау есебіне (AR5) сәйкес пайдаланылады.
https://www.ipcc.ch/site/assets/uploads/2018/02/SYR_AR5_FINAL_full.pdf
EcoQolday
Төлемді тексеру
жүйеге кіру
