«Жасыл даму» АҚ-да Қазақстан Республикасындағы Ресей Федерациясының Сауда өкілдігі мен «ЭКОМАШГРУПП» ЖШҚ
компаниясының өкілдерімен жұмыс кездесуі өтті.
Кездесудің негізгі тақырыбы қатты тұрмыстық қалдықтармен (ҚТҚ) жұмыс істеу саласындағы өзара іс-қимыл және одан әрі ынтымақтастықтың перспективалары болды.
Келіссөздер барысында ресейлік тарап «ЭКОМАШГРУПП» компаниясының әртүрлі түрдегі қалдықтарды экологиялық қауіпсіз өңдеуге арналған заманауи технологиялары мен шешімдерін ұсынды. Компания қоқыс сұрыптау кешендерін, престеу жабдықтарын, шредерлер мен сепараторларды жобалау және өндірумен айналысады. Бүгінде кәсіпорын Ресейдің 25 өңірінде және шетелде 140-тан астам нысанды іске асырған.
Тараптар ҚТҚ-ны сұрыптау және қайта өңдеу инфрақұрылымын дамыту, сондай-ақ Қазақстан аумағында ұлттық экологиялық заңнама мен «жасыл» экономика қағидаттарын ескере отырып бірлескен жобаларды жүзеге асыру сияқты ықтимал серіктестік бағыттарын талқылады.
«Жасыл даму» АҚ халықаралық серіктестермен ынтымақтастықты қалдықтарды басқарудың заманауи жүйесін дамытуға, озық технологияларды енгізуге және қоршаған ортаға теріс әсерді азайту мақсаттарына қол жеткізуге мүмкіндік беретін маңызды құрал ретінде қарастырады.
бөлісу
EcoQolday
Төлемді тексеру
жүйеге кіру
