Биыл ескі көліктерді жоюға қабылдау бағдарламасы жүзеге асырылып келе жатқан жылдардан бергі рекордтық нәтижеге қол жеткізді. 2021 жылы қазақстандықтар 50 005 көлікті жоюға тапсырды. Оның 37 495 жеңіл көлік, 4040 жолаушы және 8 470 жүк көлігі. Істен шыққан машинасын жоюға тапсырғандарға биыл 13,7 млрд теңге қаражат төленді.
Ескі көліктерді жоюға қабылдау бағдарламасы іске қосылған уақыттан бері қазақстандықтардан барлығы 214 932 көлік қабылданды.
| Көлік санаты | Саны |
| М1 (жеңіл көлік) | 194163 |
| М2, N1, N2 (жолаушы және жүк көлігі) | 14590 |
| М3, N3 (5 және 12 тоннадан жоғары жүк көлігі) | 6179 |
Ауылшарушылық техникасын бойынша бүгінгі таңда 3 206 техника тапсырылды. Оның 2 348 трактор, 858 комбайн. 2021 жылы агротехникаларды қабылдауға барлығы 3 380 квота бөлінген болатын.
Бағдарлама аясында жеңіл автокөліктерге 210 мың, жолаушы және жүк көліктерінің санатына қарай 420 мыңнан 630 мың теңгеге (126-216 АЕК) дейін бағаланады. Агротехниканы тапсырушыларға 560 мыңнан 2 миллион теңгенің жеңілдік сертификаты беріледі.
Жеңілдік сертификаты бағдарламасы бойынша 54 834 автокөлік қабылданды. Аталған бағдарламаның нәтижесінде отандық өндірушіден 29 853 су жаңа автокөлік сатып алынды.
Айта кету керек жоюға тапсырылған көліктердің басым бөлігі 70-90 жылдары шыққан машиналарды құрап отыр. Аймақтар бойынша көлік тапсырудың үздік бестігін Шымкент, Алматы, Тараз, Қарағанды, Павлодар қалалары бастап тұр.
Естеріңізге салайық 2021 жылдың 1 желтоқсаннан бастап жеңіл, жолаушы және жүк көліктерін қабылдау уақытша тоқтатылды. Оның себебі биылғы жылға межелі квота толығымен игеріліп отыр. Ал ауылшаруашылығы техникасы электронды кезекке сәйкес жыл соңына дейін қабылданады. Ескі көліктерді қабылдауға қажетті квота бөлінгеннен кейін 2022 жылдың қаңтар айынан бағдарлама қайта іске қосылады деп күтілуде.
EcoQolday
Жария оферта
Төлемді тексеру
жүйеге кіру
бөлісу