бөлісу
«Жасыл даму» акционерлік қоғамы модельдеу, талдау және болжау департаментінің бас менеджері Алшагиров Олжасты конкурс іріктеуінен сәтті өтіп, Қазақстан Республикасы Парламенті Сенаты жанындағы Аналитика мектебінің бесінші ағынының қатысушылары қатарына қосылуымен құттықтайды.
Биыл конкурс деңгейі өте жоғары болды: 1000-нан астам өтінімнің ішінен конкурстық комиссия 71 қатысушыны іріктеп алды. Оқу 2026 жылғы 17 қаңтар мен 7 наурыз аралығында өтеді және келесі тақырыпқа арналады:
SMART GOVERNANCE: тиімді басқару үшін деректер, аналитика және жасанды интеллект
Оқу барысында қатысушылар деректерді жинау мен талдаудың қолданбалы әдістерін меңгеріп, тәжірибелі менторлардың жетекшілігімен пәнаралық командаларда жұмыс істейді. Оқу қорытындысы бойынша әзірленген аналитикалық материалдар Парламент депутаттары мен тиісті мемлекеттік органдардың жұмысында пайдаланылатын болады.
«Жасыл даму» АҚ өкілінің аталған жобаға қатысуы — Компания мамандарының жоғары кәсіби деңгейінің мойындалуы және экология мен климаттық саясат саласындағы аналитикалық тәсілдерді дамытуға қосқан үлесі.
Алшагиров Олжасқа сәтті оқу, жаңа кәсіби инсайттар мен елдің тұрақты дамуына бағытталған тиімді шешімдер тілейміз!
EcoQolday
Төлемді тексеру
жүйеге кіру
