Ақтөбелік экобелсенді оқушыларға тұрмыстық қалдықты бөлек жинаудың тәртібін түсіндірді

Экологиялық сабақ соңында ең белсенді және эко-сауатты оқушыларға пайдалы сыйлықтар табысталды. Атап айтқанда экосөмкелер мен экология тақырыбындағы ең алғашқы ертегі кітап «Гринейктер хикаясы» жинағы тарту етілді. 

Естеріңізге сала кетейік, Ақтөбе қаласында қалдықтарды бөлек жинау инфрақұрылымын дамыту аясында «ӨКМ Операторы» қоқыс шығаратын арнайы техника мен контейнерлер сатып алған болатын. 

Қазіргі уақытта Ақтөбе қаласында қалдықты бөлек жинау төрт фракция бойынша жүзеге асырылады. Торлы контейнерлерге пластик, металл қалдығы, жасыл түсті контейнерге қағаз-картон, көк түсті контейнерге шыны қалдығы салынса, бұрынғы ескі контейнерлерге өңдеуге келмейтін қалдықтар тасталынады.