«Жасыл даму» АҚ «Болашақ» халықаралық стипендиясының түлектері үшін жаңа мүмкіндіктер ашады

2023 жылғы 31 Қазанда «Жасыл даму» АҚ Басқарма төрағасы Ержан Сәрсенбай мен «Халықаралық бағдарламалар орталығы» АҚ Басқарма төрағасының міндетін атқарушы Әлия Оспанова ынтымақтастық туралы Меморандумға қол қойды.

Құжаттың негізгі мақсаты - Қазақстанның адами капиталын дамыту мәселелерінде екіжақты ынтымақтастықты кеңейту.

Тараптар кадрларды даярлау, қайта оқыту, тағылымдамадан өту, олардың біліктілігін арттыру, сондай-ақ "Болашақ" халықаралық стипендиясының түлектерін жұмысқа орналастыру бөлігінде өзара консультациялық және ақпараттық-талдамалық қолдау көрсетуге уағдаласты.

Меморандум «Жасыл даму» АҚ-ның экология, климаттың өзгеруі, энергетика және т.б. тақырыптарында үздік әлемдік талдау орталықтарында ғылыми тағылымдамалар бағдарламалары арқылы жоғары білікті мамандарды даярлауға бағытталған.