«Жасыл даму» АҚ «Дармарка» экологиялық іс-шарасына қатысуға шақырады

«Жасыл даму» АҚ елорда тұрғындары мен қонақтарын 14 ақпан күні сағат 12:00–15:00 аралығында Riviera International School (Б. Момышұлы көшесі, 1/1) алаңында өтетін «Дармарка» экологиялық іс-шарасына қатысуға шақырады. Іс-шараны @darmarkaastana ұйымдастырады.

Ғашықтар күні қатысушылар тек жақындарына ғана емес, қоршаған ортаға да қамқорлық таныта алады. «Дармарка» - саналы тұтыну мәдениетін дамытуға, заттарды қайта пайдалануға және табиғи ресурстарға жауапкершілікпен қарауға бағытталған әлеуметтік-экологиялық бастама.

Іс-шара бағдарламасында:

Қайта өңдеуге арналған екінші шикізатты қабылдау
Кітаптармен, киімдермен және жақсы күйдегі заттармен алмасу, сондай-ақ оларды қайырымдылыққа тапсыру мүмкіндігі
Жануарлар панажайларына көмек жинау (төсек жабдықтары, сүлгілер және жармалар қабылданады)
Galmart серіктесінен экобонустар - қатысушылар пластик қақпақтарды тапсырып, оларды бамбук өнімдеріне айырбастай алады
Қонақтарға ыстық шай (өзіңізбен бірге кружка немесе термос алып келу қажет)

«Жасыл даму» АҚ қалдықтарды бөлек жинау жүйесін дамытуға, қайта өңдеуді ілгерілетуге және қоғамда экологиялық мәдениетті қалыптастыруға бағытталған бастамаларды тұрақты түрде қолдайды. Мұндай іс-шаралар полигондарға жіберілетін қалдық көлемін азайтуға және тұрақты экологиялық әдеттерді қалыптастыруға ықпал етеді.

«Дармарка» - бұл жай ғана іс-шара емес, бұл әр азаматтың тұрақты болашақ пен айналым экономикасын дамытуға қосқан нақты үлесі.

Толық ақпарат: https://www.instagram.com/p/DUAncrcCFE-/