бөлісу
«Жасыл даму» операторы бұл мақсатқа 3,1 млрд теңге бөлді
Абай облысындағы «Семей орманы» табиғи резерватына арнайы техника утилизациялық алым қаражаты есебінен сатып алынды. «Жасыл даму» АҚ осы мақсаттарға 3,1 млрд теңгеден астам қаражат бөлді, деп хабарлайды Kapital.kz іскерлік ақпарат орталығы Экология және табиғи ресурстар министрлігінің баспасөз қызметіне сілтеме жасап.
«ҚР Экология және табиғи ресурстар министрлігінің қолдауымен «Жасыл даму» АҚ утилизациялық төлем қаражаты есебінен Абай облысындағы «Семей орманы» мемлекеттік орман табиғи резерватына заманауи мамандандырылған техника сатып алуға 3,1 млрд теңгеден астам қаражат бағыттады. Резерваттың материалдық-техникалық базасын жаңарту өрт қаупі жоғары маусымға дайындықты арттыруға, өртке ден қою уақытын қысқартуға және орман қорын қорғау тиімділігін күшейтуге бағытталған», – деп хабарлады Экология министрлігі.
Жоба аясында орман табиғи резерватына өртке жедел ден қою және өртке қарсы іс-шараларды жүргізу үшін қажетті 39 өрт сөндіру автоцистернасы, 10 трактор және өтімділігі жоғары 26 автокөлік берілді.
Ведомствоның мәліметінше, 2024 жылдан бері «Жасыл даму» АҚ еліміздің мемлекеттік ұлттық табиғи парктеріне, орман табиғи резерваттарына, қорықтарына және орман шаруашылығы мекемелеріне заманауи мамандандырылған техника сатып алуға утилизациялық төлем қаражатынан 33,1 млрд теңгеден астам қаржы бағыттаған.
Осы кезеңде табиғат қорғау ұйымдары үшін орман және дала өрттерінің алдын алуға және оларды жедел сөндіруге арналған 1 006 бірлік мамандандырылған техника сатып алынды. Олардың қатарында өрт сөндіру автоцистерналары, өтімділігі жоғары автокөліктер, тракторлар және орман қоры мен ерекше қорғалатын табиғи аумақтарды қорғауға қажетті басқа да техника бар.
Бұған дейін хабарланғандай, «Жасыл даму» АҚ ормандарды қорғауға арналған өртке қарсы техника сатып алу үшін утилизациялық төлем қаражатынан 33 млрд теңгеден астам қаржы бағыттады.
Сондай-ақ «Жасыл даму» ормандарды өрттен қорғауды күшейтуге 16,9 млрд теңге бөлді.
2024 жылы оператор орман және су шаруашылығындағы техниканы, сондай-ақ төтенше жағдайлар жүйесінің материалдық-техникалық базасын жаңартуды 200 млрд теңгеге қаржыландырды.
Жыл басынан бері Қазақстанның орман алқаптарында жалпы аумағы 794 гектардан асатын 36 өрт тіркелді.
EcoQolday
Төлемді тексеру
жүйеге кіру
